Ynne chi bhah ki nong India wa sahkut ha Iran da poi ki ha nongbah New Delhi lyngba ka lieñsuiñ na Yerevan, Armenia.
Kani ka lieñsuiñ da wanrah ko ya 70 ngut ki khynnah heiwa boon na ki toh kiwa na Jammu and Kashmir wa kiwa lai ngooh blai wa kiwa lai puræ.
Ha Delhi da ku ki ha ki Bus wa kyrpang wa pynkhreh da ka sorkar Jammu and Kashmir katwa em won kiwa liwan cha Srinagar da ka lieñsuiñ.
Sa kawi won ka lieñsuiñ wow kit ya ki 60 ngut daw poi ko ha New Delhi myntu i miet.
Katkam ka yukheiñ em kamwa 9,000 ngut ki nong India wa dang sahkut ha Tehran wa Qom nei khang yei lai ki lieñsuiñ cha ka katai ka ri.
U Nasir Khuehami, uwa man u National Convenor ka Jammu and Kashmir Students Association da ong u wa yeini i wanrah ya ki nong India toh da leh dei kreh ka Ministry of External Affairs (MEA) wa ki yung krehkaam ka India ha Tehran wa Yerevan.
U Vice President ka All India Medical Students Association, u Dr. Mohammad Momin Khan da ong u wa i kreh wa ki bor sorkar ha ki sor wa em ki nong India man iwa emkaam bha wow pynneh yei chngaaiñ yong ki.
Discussion about this post