April 8, 2022
U Captain Cricket warim ka ri India, u Mohammad Azharuddin ynne ka sngi da wan poi u ha ka jylla wow sakhi ya ka yakhun Final ka Challengers Cup 2022 ka wow man mynstep ka 9 tarik ha Polo, Shillong.
Kani ka lympung yalehke da pynlai da ka Meghalaya Cricket Association ka wow pynman ya ka Final mynstep hapyrdi ka Nokrek Tigers waka Myntdu Lions ha madan Cricket kawa em ha Polo, Shillong heiwa u Azahruddin daw man u kam u kongsan.
Neiliang ki heh ka MCA wa kynthup ya u Vice President, u Dipul Ryntathiang ryngkat u Mac Sawian, President ka SCA, u Aaron G Diengdoh, General Secretary ka East Khasi Hills District Association da lai pdiang burom ki ya ini u khloor yalehke Cricket ka ri na Guwahati Airport wei da pdiang burom won ya oo ha Circuit House, Nongpoh da ki heh ka RBDCA wa kiwi kiwi.
