Jowai: Ka Reserve Bank of India (RBI) dei thmu wow yarap ya kiwa seiñ khih kiwa khian hadooh kiwa rap heh namo ki Micro Small and Medium (MSME) Entrepreneur, ynne ka sngi da pynman ko yaka yalang yong chnong ha Shangpung, West Jaintia Hills District kawa da wan chimbynta lang ki sahep naka chnat Directorate of Commerce & Industries, Govt. of Meghalaya, SIDBI, NRLM, KVIC, RESTI, ki Bank wa 300 ngut ki bru samen kiwa seiñ khih kiwa em haka thaaiñ Shangpung.
I thmu yong kani ka yalang toh wow pynsñiawthooh ya i yarap wa ye u yoh na ki Bank wei wow sñiawthooh leh yei chem chitom kiwa seiñ khih wow yoh yarap na ki Bank.
U Anurag Asthana, General Manager (Officer-in-Charge), RBI Shillong ha ki ktien waiphang yong oo da khana u ya kiwa boon ki kaam wa da leh ka RBl yow pynku ya ki MSME wa em hapoh ka ri.
Ki sahep ki Bank wa kiwi kiwa da e yei klam da pynchlur ki ya kiwa seiñ khih deiwa khana chooh chooh ya ki yarap wa e cha ki MSME neibhah da em ki Policy wa da chna ki wow yarap kam naka RBl, SIDBl wa DCIC.
Ha kani ka sngi da em leh kiwa seiñ khih kiwa da khana kammon da man ki kiwa da hoi khih hoi khan hakhmat kiwi emlang wei da saam leh ya ki chithi wow yoh ram na ki Bank cha ki kattu katni kiwa seiñ khih.
Da e laad ya kiwa seiñ khih wow kylli ki ya iwa ym sñiawthooh ki, kiwa da yoh yei pynche na ki bru wa chemphang wa emlang ha kani ka sngi heiyatoh wa ka sut wa kheiñ ki Bank, ki Scheme sorkar wa kiwi kiwi.
Ya ka chithi wow yoh ram da e cha ka Kamwadamut SHG T. 2 lak, u Stering Sungoh yow thied kari, Tur Shaphrang SHG T. 1.5 lak wa cha ka Samina Lapasam kawa yoh T. 30,000 yow thied ya ki sula Second Hand.
Discussion about this post