Ampati: Ka Dimchrang Winter Festival – “A Rendevouz with Culture” wa da pynman 2 sngi ha Ampati, South West Garo Hills da poi ko cha wa kut ynnin ka sngi deiwa pynman da ka Rock Concert heiwa ki dhab tem kiwa boon na ri-loom Garo da wan pynchongchit ki ya ki paidbah wa boon.
Ya kani ka tamasa da pynman da ka Ampati Arts & Cultural Society hei yakrehlang waka South West Garo Hills District Administration wa kiwi ki tnat sorkar.
Ha kini ki ar sngi ki khynroo khyllood da yohlaad ki wow pynyoo ya ki sap yong ki lyngba ki yakop waphær waphær nadooh ki rwai, i chaad, ki yalehke sports wei da yohlaad ki u yachem wa ki wa tem wa rwai kiwa wan na baar jylla.
U Montri Rangbah ka jylla da chimbynta u ha ka sngi nyngkong deiwa rwai lang u wa u Amit Paul da i sur u Kishore Kumar wa tip kam Kabhi Alvida naa kehna.
U Dr. Mukul hei klam yong oo da ong u wa lyngba kani ka tamasa u pynman ya ka ri-loom Garo kam kiwa na ki thaw lai uiñke suwari hapoh ka jylla wei u man ko leh kam ka rynsan wow pynyoo ki paidbah yei sap yong ki ym du hei rwai i siaw kamjooh leh ki laad kamai yong ki.
Hadien ini won u Montri Rangbah deilang wa u CEM ka GHADC da rwai ki ya ki rwai Christmas iwa da pynchongchit ya ki paidbah.
[arve url=”https://www.facebook.com/1173602642709472/videos/1551661378236928/” /]
Discussion about this post