Wan pyndem 5 ngut ki dkhot ka GNLA hakhmat u DGP ka jylla

Shillong : Ynne ka sngi san ngut ki dkhot ka GNLA da wan pyndem suloi ki haphrang u DG ka jylla, u Rajiv Mehta hei emlang ki heh pulit wa kiwi kiwi ha sor Shillong.

Ya kiwa wan pyndem kynthup ki ya u Rakseng Ch Marak wada khut sin kam u Geloram na Kolabari Rongsak, East Garo Hills; u Krewingbirth S Sangma wa khut sin kam u Gongga na Deku, Chokpot, South Garo Hills, u Jambil Ch Momin wa khut sin kam u Jamindar na Deku, u Walban R Marak u wa khutsin kam u Bawil na Siju wa u Tarzan Ch. Sangma wada khut sin kam u Ruby na Nongal, South Garo Hills District.

Kini ki san ngut da pyndem ki leh ya 3 tylli ka AK-56, kawi ka carbine, kawi ka G-3 rifle, uwi u grenade, kawi ka HK magazine, 6 tylli ki AK magazine, kawi ka Beretta Pistol magazine, kawi ka G-3 magazine, kawi ka carbine magazine wei 519 tylli ki kuli kiwa kynthup ya 421 tylli ki kuli AK, 22 tylli yong ka G-3 (5.56) wei 76 tylli kuli 7.62 mm.

Kini ki san ngut toh naka batch wa soo kiwa da psiah cha ka GNLA nadooh u snem 2012 wei da chah sikai ki haka ULFA ha Durama Hills, East Garo Hills heiwa da sikai ya ki kammon u siat suloi wa u chna bom.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hadien wa dadep chah sikai ki da em ki hapoh i pyllai u Rakkam u heh ka GNLA uwa pait yaka thaiñ Nongwalbibra, West Garo Hills.

Kini ki san ngut da rai ki wow pyndem suloi toh neidaw wym em u sñiawsuk ki yei rukom kreh ka GNLA.