Wan pyndem ar ngut ki dkhot ka HNLC wa hapoh 18 snem na Lakadong

Shillong: Ar ngut ki khynroo wa man ki dkhot ka Hynñiewtrep National Liberation Council (HNLC) da wan pyndem ki ha khmat ki pulit ha Shillong ynne ka janmiet. Kini ki arngut toh kiwa dang hapoh 18 snem i rta wei toh kiwa na ka chnong Lakadong, East Jaiñtia Hills District.

U SP ka East Khasi Hills, u Davis N R Marak da pyntip u wa kini ki arngut toh kiwa da ieh yei puræ ki chiteiñ-por wei hei man khynnah ki da jied ki ya kani ka luti wei da lai man dkhot ki wa ka HNLC yow yoh sikai ha ki kaam ka seiñ tangwa manda poi ki cha Bangladesh da pynkreh ya ki wow rep kwai rep pathi ki.

Da pyntip leh wa kini ki arngut toh uwi wa da chong Class 12 wa uwi won toh uwa chong class 8.

U SP da ong u leh wa katkam wa pyntip kini ki arngut da psiah ki cha ka HNLC ha u Naisan ynnin snem.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Da pyntip u leh wa hadien wa poi ki cha Shillong ynnin ka sngi, kawi ka seiñbhalang da murieh ko ki wei da wan ekti ya ki ynne ka sngi cha ki pulit. Da synran lang ya kini ki arngut da u Waheh Chnong ka Lakadong wa ki kattu katni ngut ki waheh.