Ynne ka sngi kamwa 1,500 ngut ki dkhot na ki soo tylli ki chnat ka seiñ kieñ suloi ka National Democratic Front of Bodoland (NDFB) da wan pyndem ki haphrang u montri rangbah ka jylla Assam, u Sarbananda Sonowal.
Ha kani ka sngi da pynman ya ka yalang wa pynman ha Guwahati Medical College Hospital Auditorium da emlang u montri ka chnat muna tyngka (Finance) u Himanta Biswa Sarma ki heh ka chnat pulit wa kiwi kiwi.
Neiliang u Himanta da pynsñiaw u yei mynsien wa kmen wa da wan pyndem ki dkhot ka NDFB kam ka luti wow wanrah yei chongsuk ha ka jylla wa ka thaaiñ waroh kawi.
Ini i wan pyndem ki dkhot ka NDFB da man i hadien wa wan pyndem ki 644 ngut na ki 8 tylli ki seiñ kieñsuloi ha Assam ha ka 23 tarik uni u bnai.
Kini ki khot toh ki yong ka United Liberation Front Asom – I (ULFA-I), National Democratic Front of Boroland (NDFB), Rabha National Liberation Front (RNLF), Kamtapur Liberation Organisation (KLO), CPI (Maoist), National Liberation Front of Bengali (NLFB), National Santhal Liberation Army (NSLA), wa ka ADF.
Discussion about this post