Ha iwi na ki kaam wa jop ka sorkar u Khemchand Singh ha Manipur wow wanrah yei chongsuk, ki 46 ngut ki dkhot ka Kangleipak Communist Party – Taibanganba Group, wa kynthup ya 4 ngut ki kynthai da wan pyndem ki ynnin ka sngi.
Ya ini i wan pyndem da pynman ya ka yalang “Homecoming Ceremony” da ka Home Department ha 1st Manipur Rifles Parade Ground, Imphal.
U Chief Minister da yaroh u ya ki dkhot wa wan pyndem wa ki tiar yaleh kam chibynta wow wanrah biang yei chongsuk.
Ini i wan pyndem toh katkam ka Revised Surrender-cum-Rehabilitation Policy, 2018, heiwa daw yoh ki dkhot ya ka Stipend wa Rs.6,000 samen neibynta 36 bnai kamjooh ka Fixed Deposit wa Rs. 4 lak.
Ki tiar yaleh wa pyndem kynthup ki ya ka Insas Rifle, Insas Rifle Folding Butt, Insas Rifle Fix Butt, M22-Rifle, RPG, Lathod 40 MM, Smith Wesson .38 Revolver, 51 MM Motar, SLR, Mouser 9 MM Pistol, 9 MM Pistol, CZ-75 Luger, 9 MM Pistol (Smith & Wesson), .32 Pistol (C/M) wa ki kuli Cartridge (5.56 MM), Cartridge (9 MM), Cartridge (7.62 MM), Cartridge (.32 MM) chirup wa ki tiar tympdung kam u Hand Grenade, Detonator wa ki Walkie Talkie.
Discussion about this post