Wan pyndem ki dkhot ka GNLA wei phla ki wa da tlot bor ko katni

Tura: I duna bor ka Garo National Liberation Army (GNLA) da mih ko hadien wa wan pyndem ki dkhot kani ka seiñ keiñ suloi kiwa da psiah cha ka seiñ ha u snem wa da dep wei kiwa pyndem suloi da phla ki wa da em sa kamwa 18 ngut ki dkhot kani seiñ.

Kiwa wan pyndem suloi kynthup ki ya u Bhim Bahadur Chetry wa tip leh kam u Kancha uwa chong wa sah ha Damra ka Goalpara District Assam, kawa yajan bha wa u pood ka Meghalaya.

U Kancha toh uwa 8^th Batch ka GNLA uwa da pyndem ha khmat ka BSF Field G Team ka Shillong, 141 BSF Team, South Garo Hills (SGH) Police wei da psiah u cha ka seiñ ha u snem 2017.

Kani ka wan pyndem da pynman ha ka 11 waje i step ha Nongalbibra wei da e kti ki leh ya ka wa ki wa suloi (shot gun) wa 26 tylli ki kuli.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ki pulit won da ong ki neidaw wa krehchitom ki, boon ki dkhot ka GNLA da wan pyndem ki, wei u Kancha da lait u na ki tyrsim ki pulit da boon sien.

I yakrehlang wa ki G Branch ka BSF da yarap ko wow pynchlur ya kini ki dkhot ka GNLA wow mih ki na khloo heipor 11 waje i miet ka 17 tarik wei da ong leh ka GNLA katni da em ko ha ki arbynta.

Katkam wa ong kiwa wan pyndem kamwa 11 ngut da lai lang ki wa u Commander in Chief ka GNLA wei kanti em u du 11 ngut kiwa synraan ya oo kiwa kynthup ya 7 ngut wa yahkhmat da u ULFA Deputy Commander, u Dristhi Rajkhowa wei ki thaw wa krehkaam ki toh ha West Khasi Hills.