February 18, 2018
0 Comments
Jowai: Ha iwi i jia ynne ka miet da pynsyir ko ya kiwa boon ki paidbah ka jylla hadien wa u kyrtong ka NCP na Williamnagar Legislative Constituency, u Jonathone N Sangma da dooh u yei mynsien yong oo hadien wwa pdung u bom IED heipor wa liwan u na ka yalap Election.
Ini da jia i heipor kamwa 7:50 i miet heipor wa liwan u cha Williamnagar na Sobokgre wa Nabokgre.
Da ong wa u Jonathone Sangma dang chong u hapoh ka kari Scorpio yong oo wei da em ki kamwa 6 ngut hapoh ka kari heipor wa jia ini.
Neiliang u SP ka East Garo Hills hei yaklam wa u Wyrta da pyntikna (Confirm) u yeiwa jia, wei da ong u wa ki pulit dang em ki heini i thaw wow takit yeiwa jia wei daw pyntip chooh chooh u.
Da suba leh kiwa sonteri ya u Jonathone Sangma da mynsoo joor ki wei ym pu tip ki yi wa emkti ha kani ka kaam.
