September 23, 2021
Advertisement
Advertisement
Ki 57 ngut kiwa siat mrad hapoh ka Bodoland Territorial Region (BTR) ynnin ka sngi kawa man leh ka sngi wa kyrpang yong ki kyndad namo ka World Rhino Day da wan pyndem ki ya ki suloi yong ki ha ka yalang wa man ha Raimona National Park, ka Assam.
Neiliang u Chief Executive Member ka BTR, u Pramod Boro da ong u wa da ekti ya ki 57 ngut ya ka song poisa wa T. 50,000 wow yarap ya ki.
Da ong u leh wa kyrmen skem u wa ka sorkar BTR daw ye ko wow pynman ya kani ka thaw kawa khlem tynyap mrad namo ka ‘Poaching Free BTR’.
Kam wow kdaw heini, ka Assam ynnin ka sngi da thang ko hadooh 2,479 tylli ki reiñ kyndad kiwa da yoh kem ko ha kini ki snem wa dadep kam ka dak wow khang pyrchah ya i siat ya ki mrad khloo khamtam ki kyndad.
Puræ leh: Thang ka Assam ya 2,479 tylli ki reiñ kyndad kam chibynta ka World Rhino Day
