Jowai: Uwi na ki dkhot ka GNLA uwa tip kam u Panseng R. Sangma uwa emlang heipor wa chah siat u heh ka GNLA u Sohan D Shira da wan pyndem u ha khmat u SP ka Williamnagar ynnin ka sngi khlem wanrah lang wa ki tiar siat.
U Panseng toh uwa dang psiah thymme cha ka GNLA ha ka 02-02-18 uwa naka chnong Cherange wei dang man u uwa dang khian kyrdan wei i kaam yong oo toh wow chet wow tu wow sait that wei da phla u leh wa emlang u wa u Sohan heipor wa chah siat u wei waroh ki 11 ngut ki dkhot ka GNLA da emlang ki chirup wa u Drishti Rajkhowa u heh wa ar ka ULFA(I).
Heipor wa jia i chah siat u Sohan, u Pangseng da pyntip u chwa wow sdang i yasiat da em ki ha khlieh uwi u loom wei da em na ki kiwa da hiar wow lai sum katwa u Sohan nehlang u wa u Panseng wei hadien ini da emkaam u lai mihlait te da lai u cha khloo wei heini i por da sdang i yasiat wei oo da yut u na ini i thaw.
U Panseng da pyntip u leh wa da duna tiar siat bha ka GNLA wei da em na ki leh kiwa rah da ka Air Gun katwa kiwa heh kyrdan dang em ki ya ki AK-56, ki SLR Rifle, ka Sub Machine Gun (SMG) wa ki pistol.
Neiliang ki pulit leh ngait ki wa daw wan pyndem chooh kiwi ki dkhot wa dang sah wei da tyngkheiñ ki ya u bud-loom ka GNLA.
Discussion about this post