Ka seiñ Jaiñtia Students’ Movement – Lapangap Unit ynnin ka sngi da e dorkhat ko ha u Home Minister ka jylla lyngba u Deputy Commissioner ka West Jaiñtia Hills wow pyrchah yei thmu ka sorkar Assam wow booh Police Outpost ha Lum Pynthor Lapangap.
Ka seiñ da beiñ wei pyrchah ko yeini i leh iwa khlem pyntip wei yohbor, i wym burom ya u pood ka Meghalaya kamjooh wow wanrah yei wym chngaaiñ næ i chongsuk ha ka thaaiñ.
Hajrong kini, ka seiñ da dawa ko wow sangeh yei thmu wow booh ya kani ka Police Outpost, wow burom ya u pood ka Meghalaya kamjooh wow yada yei hok ki paidbah.
Kamtæ ka seiñ da kyrpaad ko ya ka sorkar wow chimkhia wei wow leh yeiwa emkaam wut-wut hajrong ini neibhah ka Assam dadep ko wow wan pynhaap moo wa kiwi de ki mar.
Discussion about this post