Shillong: Ka lehkmen dap 25 snem ka St. Francis Institute, Mawkasing da wan pynhaap pyrda ya ka da u Montri Rangbah Dr. Mukul M Sangma kam u kongsan.
Hei klam u Dr. Mukul da e khublei u ya ki seiñ niam namo ka Missionary Brothers of St. Francis of Assisi (CMSF) wada e chakri ki ya kani ka thaiñ kattu la 25 snem wei kini ki snem ymtoh kiwa suk. Da ong u wa ka jylla Meghalaya katni da sdang ku bha ko ha ki kaam wa boon nadooh ka kaam khayi pateiñ, ka puræ puthi, wa kiwi kiwi.
Da ong u leh wa ki paidbah ka jylla emkaam wow sñiawthooh ki yei bor i stat i tip, wei kamwa man katni ka Shillong da man ko kam ka nongbah i puræ puthi.
Ha kani ka sngi u Mukul da wai u leh ya ka yung yong kani ka skur kam wow sahkynmoo kani ka lehkmen dap 25 snem.
Ya ka St. Francis Institute da sdang ha u snem 1992 ha Mawkasing wei katni dang pyllai ko ya ka St. Francis D Assisi Higher secondary School, St Francis Boys’ Home wa ka St Francis Holistic Healing Centre (Alternative & Indigenous Medicine) & Dispensary.
Kiwi kiwa da em ha kani ka sngi toh ka Dr. M Ampareen Lyngdoh, u MLA, Mawryngkneng, David Nongrum u Archbishop ka Shillong, u Rt. Rev. Dominic Jala. Principal & Superior, Bro. Jinu Joseph, u Bro (Dr) Thomas Pulickal wa kiwi kiwi.
Discussion about this post