Psiah sa u HS Shylla cha ka seiñ NPP

Shillong: U MDC ka Nongkrem, u Hispreachingson Shylla da ong u wa ym ye u len wa hapoh ka jylla khlan bha ka la-ær ka National People’s Party (NPP).

“I ka-it ki paidbah ya ka NPP ymtoh du ha ri-loom Garo, ini da poor i leh cha ka ri-loom Khasi wa Jaiñtia ha kini ki khajiak bnai. Nga ong O wa ka luti pynyoo ko wa ka NPP toh ka wow chna sorkar hadien wa kut ka Election MLA 2018,” da ong u Shylla hadien wa psiah u cha ka NPP ynne ka sngi.

Da ong u leh wa toh u biang i yatoh lok wa ka Sorkar pyrdi yow yoh myntoi ka jylla wei ngait u wa ka NPP ye ko u leh ya ini.

Da pynsñiaw u leh yei sñiaw ki paidbah ya u MLA wa katni neibhah kut wow lai yachem ki paidbah wa oo da ong bait u wa ym ye u leh iyi iyi leh neidaw wa ym em u hei bor.

“Ki paidbah ka constituency la 10 snem da yaichah ki ya ini i rukom krehkaam u MLA hadooh wa da sah lut ki kaam hapoh ka constituency,” ong u Shylla.

Hawa kylli won wa sñiaw u wa chah chet kylla u ha ka People’s Democratic Front (PDF) hadien wa e ticket ki ya u Hilarius Pochen, da ong u wa kmen u yeini wa leh ki.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Da ong u leh wow pteiñ hi wow kyrchaan ya ka Executive Committee ka PDF hapoh ka KHADC.

Da pyntip u leh wa daw em sa kamwa 5-6 ngut ki MDC wow psiah cha ka NPP wei daw chna ki ya ka Parliamentary Party ka NPP hapoh ka KHADC wei hadien ini daw rai wa lada u pteiñ u kyrchaan ya ka EC u PN Syiem.