Jowai: Da ka Tie-breaker rah ka Tympang SC yaka Inter Dong ka Wahiajer Sport Club ha ka yahun Final heiwa ka Tympang SC da rah ko yei naam jop ha kani ka Inter Dong yong ka chnong Wahiajer deiwa pynrem ko yaka Lummuriap SC.
Ha kani ka sngi da wan pynhaap pyrda ya kani ka lympung football da u Wailadmiki Shylla uwa man leh u kyrtong yong ka Jowai Constituency, hei emlang u Waheh Chnong ka Wahiajer u K. Shylla, Waheh Chnong ka Ladmukhla u E. Lyngdoh.
Ha kani ka sngi da saam leh yaki khusnaam yei naam Best Goalkeeper da yoh da u Mararkini Synrem naka Lummuriap SC, yei naam Best Player da yoh da u Sanyo Dhar naka Tympang SC, Top Scorer da yoh da u Heimon dkhar naka Mainroad SC.
Kam wow pynkynmoo ka Tympang SC la arsien da yoh ko u rah yei naam jop ha kani ka lympung.
Neiliang ka Wahiajer SC heijooh i por kitbok kit rwiang ko leh ya u Wailadmiki Shylla yow poi u cha ka thong.
Discussion about this post