Katkam wa pyntip ki pulit, ha ka 27 tarik heipor kamwa 8:00 waje i step deiwa em wa pyntip, u SI. B. Diengdoh wa 13 ngut ki pulit ka Langpih BOP da lai ki cha ka chnong Mawsikar heiwa da chem wa ka Assam da wan pynyhaap ko ya ki mar chna sarok hei step synyaaw ka 26 tarik ha i bynta wa em ha rood kani ka chnong wym em wa sah.
Da chem wa da em kit tiar ki tar chna sarok nadooh ki chken ki siej, ki pyrthap wa kiwi de wa da em ha ini i thaw tangwa ym em ki bru wakreh ha ini i por.
Kamtæ da lai u L P Pohshna, MCS, Civil Sub-Division, Mawshynrut deilang wa u waheh chnong ka Mawsikar chirup wa kamwa 30 ngut kiwa chong chnong deilang wa ki pulit ka Langpih BOP wa em ha chnong Mawsikar deiwa antaad wa daw wan kiwa kiwa kreh mylla chirup u Contractor, kamtæ heipor kamwa 10:00 waje i step da wan ka kari wa kit kamwa 10 ngut kiwa kreh mylla deilang ki tiar chna sarok ha chnong Mawsikar.
Manda yoo ya kini ki bru da phah ya ki wow kit biang ki ya kini ki tiar ki tar deilang wa ki mar wei wow mih ki na kani ka thaw heiwa da kohngooh ki wow leh yeini.
Ki pulit da pyntip ki ha ini waroh ym em kiwa mynsoo næ i chah tympra yei thaw i bhaw wa em ha kani ka thaw.
Discussion about this post