Katkam wa pyntip ki pulit, ha ka 16 tarik uni u bnai heipor kamwa 1:30 i step synyaaw, da yoh ujor na u Henry Manner uwa da ong wa da em 7 ngut ki bru wa suba toh ki nong Bangladesh kiwa da rah tari rah tyrnem wa kiwi de ki tiar kiwa da dat da bom ya ki le ngut kiwa yah Truck kit moochuni kitæ u Gliten Pale, u Nicky Phawa wa u Edamon Pyrtuh.
Kini ki Truck toh kiwa em Number ML-04A-5216 wa ML-04B-4109 wei ini da jia i ha laad Darrang, West Jaiñtia Hills ha u sarok NH-206 heiwa kini kiwa yah Truck da chah lute ki deiwa da chah tooh ka poisa wa ki Mobile Phone na ki najrong wa chah dat.
Ya kini ki le ngut da pynkit cha CHC Nongtalang, heiwa ya u Edamon Pyrtuh da pyntkit won cha Jowai Civil Hospital.
Chooh chooh da pyntip wa hadien ini, kini ki Bangladeshi da hiar ki cha chnong Bakur, WJH heiwa da dat ki ya u Lahripa Lamin uwa yah ya kawi ka kari Maruti Alto wa em Number ML-05Z-5449 heiwa da knieh ki ya ka Mobile Phone, da leh pynsih ki ya ka kari u wei da yut ki.
Hadien ini, ki pulit deilang wa kiwa chong chnong ka Bakur da yoh ki wow kem ya uwi u Bangladeshi uwa tip kam u Apsulmian Raju (21 snem) u wym ye u pynyoo kiwon kiwon ki kot ki sla.
Discussion about this post