Ka District Level Science, Mathematics & Environment Exhibition kawa chi sngi, da pynman ya ka ynne ka sngi da ka yung krehkaam ka District School Education Officer, West Jaiñtia Hills ha Jowai Public School hajrong ka phang wa ong “Science and Technology for Society”.
Yei saam khusnaam cha kiwa jop da wan wow leh da u Deputy Commissioner, u B.S. Sohliya kam u kongsan uwa da pait da kylli wei da yaklam u leh wa ki khynnah chaphang kiwa boon ki jait wa da pynyoo ki iwa ye u yarap yaka imlang sahlang dei stat Science.
Ka thong kani ka Exhibition toh yow pynchlur wei pyn ka’it ya ki khynnah wow puræ chaphang ka Science yow yarap ko ya idæ u heh u san kamjooh kam ka laad wow yoh khih yoh khan ki.
Waroh da em 11 tylli ki skur kiwa da chimbynta hajrong ki phang wa boon jait.
Ka Weimaya Nongtdu Lakiang na North Liberty Higher Secondary School da yoh nyngkong ko hajrong ka phang wa ong ‘Testing the acidity and basicity of the soil using natural indicator (Agriculture), ka Ayesha Pale na Jowai Public School, Jowai da yoh wa ar ko hajrong ka phang wa ong ‘Demonstration and use of traditional method of medication (Health), u Janmishaki Nongtdu na Jaiñtia Higher Secondary School, Jowai da yoh wa le u hajrong phang wa ong ‘Floating river cleaner LIFE (Lifestyle for environment).
Ha kani ka sngi da emlang leh wa ka AP Syiem, District School Education Officer, Jowai deilang wa kiwa sikai skur.
Discussion about this post