I lai yalap Election MP hapoh ka jylla da man ko kawa chit bha khamtam ha ki thaw sor khamtam ha ki District Headquarter wa ki sngi yaaw tangwa ha ki thaw wa em khappood waka Assam i yalap Election toh kawa dait thah khamtam na ki Party wa kam kam ki Party tre ri.
Kawi na ki chnong khappood wa khlem poi ki seiñ ri-loom wow lai yalap Election toh ha ka chnong Umtyrnga kawa hapoh Jirang Constituency, Ri-Bhoi District.
U Waheh Chnong ka Umtyrnga, u Borkhong Thyngkut da khana u wa ha ki snem wa dep ym jooh em wa wan pynman yalang yalap Election MP da kiwon kiwon ki seiñ saiñ pyrthai ha katai ka chnong, lait noh hawa em ka Election MLA wa MDC, tangwa ha uni u snem du ka NPP waka Congress kiwa da lai cha katai ka chnong khappood wow pynsñiawthooh ya ki yurim wow paan kyrchaan na kiwa chong chnong.
Katkam wa khana u waheh chnong wa kamwa 3 bnai nachwa wa da em wa lai cha katai ka chnong wow pyntipmit ya idæ kam kiwa kyrchaan Prah wei hadien ini da wiar noh ki.
Hawa kylli hajrong ini, da ong u wa ye u man wa i wym lai pynman yalang toh neidaw wa sñiawthooh ki wym yoh kyrchaan neidaw ki bru im suk ki wei ym mih ki wow kyrchaan bait ya ka seiñ wym sñiawsuk ki.
Discussion about this post