U kytrong ka NPP na 7- Nartiang Wahiajer Constituency u Reforming Son Lamare ynne da wan u wow thap pyrtuid wow yaleh Election MDC cha ka JHADC.
Hadien wa dep u thap pyrtuid hawa yaklam wa kiwa thoh khubor, da ong u wa kamwa kani toh ka por wow pynthymme ya ki dkhot ka District Council, da chim u ya kani ka laad wow kreh neibynta ki paidbah wei ym em uwon uwon wa pynbor ya oo wei toh i thrang u wow chakri neibynta ki paidbah wa ka jaitbru.
Da ong u leh wa District Council toh kawa man kam kawa pait wa yoo yei mantre khamtam yei khyndaw u chyiap kamjooh yei kur i jait, kamtæ kwah u wow kreh yow pynim ya ka Council chirup ya ki paidbah neibynta ki paidbah.
Da kyrmen u leh wa hawa yaleh toh yow yoh yei jop wei i jop man ko leh i jop ya ki paidbah deiwa kreh neibynta ki paidbah dei sur i maya wei yatylli wei yooluti u leh wa ki paidbah u e ki yei kyrchaan yow yoh u kreh ya kani ka thong wa i angnood neibynta ka jaitbru.
Discussion about this post