Jowai : Kam chibynta ka Right to Information Week ka tayaw wa kynmoo kyrpang ya ka aiñ RTI, ka ophis u Deputy Commissioner, West Jaiñtia Hills hei yakrehlang wa ka Meghalaya Administrative Training Institute (MATI), Shillong da pynman ki ya ka Seminar wa chisngi ha kamra Conference Hall u DC.
Ha kani ka sngi u Chief Information Commissioner, Meghalaya State Information Commissioner, B.P.O Warjri, IAS (Retd) hei klam yong oo da ong u wa emkaam ki paidbah u yoh yei yutip wa biang neibhah ini wanrah ko i chaniah ki paidbah ya ka sorkar wei kamjooh pynduna ko ya ki kaam bamtooh.
Da ong u leh wa u yoh ya ka yutip wa tikna yarap ko yei pyndooh yei mih ki sñiawthooh bakla heiwa kiwi pa kiwi ki PIO wa e jubab ya ki RTI toh u man ki kiwa da sylli bha chwa wow e jubab ki cha ki paidbah wei wow pyndep leh katkam ki kyndo ka aiñ RTI.
U DC ka WJH u Arunkumar Kembhavi ong u wa neilaing yong ka ophis yong oo da pynmih paidbah bait ya kiwa boon ki ki kot ki sla yow lait ki bru pynlut por u paan da ka RTI.
Ha chwa u kut kani ka Seminar, ki Public Information Officer (PIO) yong ka tnat sorkar waphær waphær da yohlaad ki leh u booh ya ki jingkylli ha u CIC hadien wa dep u esikai u kam wow pynkynmoo biang ya ka aiñ RTI ya ki PIO.
Neilaing u CIC da jubab u ya kiwa boon ki jingkylli nadooh wa kammon u kheiñ ya ka bai Xerox, ki jingkylli kiwa ym ye ki paidbah u yoh yei jubab wei da pynkynmoo u wa ka RTI toh yong ki paidbah wei ym e jubab lada em wa paan hei pyrtuid ka seiñ khlem i pyrtuit yong ki bru kiwa toh u man leh kiwa chong chnong ka ri India.
Ha kani ka sngi leh da e khusnaam cha ki khynnah ka Thomas Jones Synod College kiwa da dep u pynman ya ka Street Play ha Iawmusiang hei yatoh wa ka RTI ha kani ka tayaw.
Also Read : Da ka Droma wa klam yei leh tooh ha ka Exam DSC, kam wow kynmoo ya ka tayaw RTI
Discussion about this post