15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Wan u Director Recruiting Officer wow esikai wa kammon u psiah kaam chipai

0 Comments
Advertisement ad1
Advertisement ad1
Advertisement ad1

Jowai: Ka yung krehkaam u Deputy Commissioner ka West Jaiñtia Hills hapoh ka Chief Minister Youth Development Scheme da pynman ki ya ka esikai ya ki khynnah skur kamjooh ki khynroo khyllood hei yatoh wa i yaleh kaam chipai.

U DC u R. Rapthap da ong u nadooh wa wan u ha Jowai da em boon ki khynroo wa psiah ha oo kiwa kylli chaphang i lait kaam chipai kamjooh leh wa ym chem luti wow yaleh ya ini i kaam, kamtæ da rai wow pynman ya kani ka esikai wei da khut u leh da u Col. A. K. Singha uwa man kam u Director Recruiting Officer, Shillong wow e ya ka sikai.

Advertisement ad1
Advertisement ad1

U Singha da pynkynmoo u ya kiwa yaleh kreh chipai wa katni chwa wow pynman ya ka Recruitment Rally haap pyndap ya ka Form lyngba ka Online Registration wei lada ym leh ya ini ym pdiang ya ki ha ka sngi pynman Rally.

Da ong u leh wa katni ki kaam chiphai ym toh du ya ki chynrang wei da chah leh ya ki kynthai heiwa hapoh ka Air Force da em hadooh 6 ngut ki kynthai kiwa man kam ki Fighter Pilot.

Chooh chooh da ong u leh wa i kaam chipai katni, na kiwa boon ki kreh sorkar man ko kawa dang yoh Pension heiwa kiwa boon ym yoh Pension de ki. I myntoi ym kut ko du hei yong samen kamjooh leh ki bei ki pa kiwa kreh chiphai u yoh ki leh ya ka sumaar wa mynkna ha ki Army Hospital.

Da khana u chaphang ki ar jait ki kyrdan wa ye u psiah cha ki kaam chipai kawi toh ka Officer Level Entry wa ka Below Officer Level Entry iwa mut wa em kiwa da biang kyrdan puræ puthi ye ki u man ki kam ki heh katwa kiwa dang khian i kyrdan puræ u sdang ki na ki kyrdan wa khian tangwa ye ki u ku kyrdan deiwa yaleh ki boon ki Exam pynku kyrdan.

Da ong u leh wa hei chem yong oo ki bru na Meghalaya, chem ki wa eh u ieh ya i yung tangwa hei kaam chipai e chuti ki 3 bnai chi snem kamtæ ym haap u khuslai yeiwa wiar na yung chi slem wei manda liwan yung ki leh ya ka burom yoh ki na kiwa boon.

Kamtæ da pynchlur u ya kiwa boon wow yaleh kaam chipai ki neibhah ki laad ki luti wa mih na ka toh kiwa yohlaad leh u uiñpyrthai wei da e nongmuna u leh ya u Rajyavardhan Singh Rathore uwa em ha Indian Army uwa da yohlaad u chimbynta ha ka Olympic wa kiwi ki yakop siat suloi wei da yoh u leh boon ki takma wei katni da man u leh u MP kamjooh u Minister of Sports hapoh ka sorkar u Narendra Modi.

Advertisement ad1
Advertisement ad1

0 Comments

Leave a Reply