Uwa yalehbol wa pawnaam ka Brazil u Ronaldinho ynne da wan wai u ya ka Durga Puja Pandal ka Sreebumi Sporting Club kam chibynta ki ar sngi wa wan hiar kjat u cha Kolkata.
U Ronaldinho uwa da wan hei sien wa nyngkong cha West Bengal da yalehbol u leh wa u MLA ka TMC u Sujit Bose heipor wa wai ya ka Ronaldinho R10 Academy wa em ha Merlin Rise Residential Complex deiwa sakhi kiwa boon kiwa biej bol kani ka jylla.
Da lai yachem u leh ya ka Montri Rangbah ka West Bengal, ka Mamata Banerjee deiwa emlang leh ki heh ka Mohun Bagan, East Bengal waka Mohammedan Sporting kiwa da pdiang sñiawbha ya oo.
Neiliang ka Mamata da khana ko ya u Ronaldinho yei maya ki paidbah ka jylla ya ka bol wei da em ko boon ki Club wa yalehbol kiwa da rim bha wei da kyntu ko ya oo leh wow phah ya kiwa yalehbol ka Brazil yow pynku ya ka yalehbol hapoh ka jylla.
Da lai u leh wow booh syntu ha u mot sahnaam u Diego Maradonna wei da saam u leh ya ka Trophy cha ka Mohammedan Sporting kam ka Champion ka Calcutta Football League najrong wa wai u leh ya kiwi ki Durga Puja Pandal.
Discussion about this post