Wan wai ka Finance Minister ka ri ya ka Polo Shopping Complex kawa da chna hei lut wa ₹100 klur

Ka Nirmala Sitharaman kawa man kam ka Union Finance wa Corporate Affairs Minister ka ri dapoi ko ha Shillong ynne wei daw neh ko hadooh ka 13 tarik. Wei kam chibynta ini daw wai paidbah wei daw booh mooyurim ko boon tylli ki kreh pynroi hapoh ka jylla.

Ynne ka Finance Minister da wai ko ya ka Polo Shopping Complex kawa dadep chna hei lut wa ₹100 klur kam chibynta ka Smart City Mission, deiwa emlang u Montri Rangbah u Conrad K Sangma wa u Symbood Montri Rangbah, u Sniawbhalang Dhar.  

Mynstep ka sngi won ka Minister daw lai ko cha LARITI Auditorium wa em ha Shillong yow wai yei kreh wa tip kam i Redevelopment of Umiam Lake hei lut wa ₹99.99 klur.

Daw booh mooyurim leh ya ka MICE and Cultural Infrastructure Hub ha Mawkhanu, kawa man kam chibynta wow pynman ya ka Meghalaya kam ka thaw wow leh ya ka Business Tourism hei lut wa ₹99.99 klur.

Related posts

Daw pynman ya ka General Meeting ka Kur Phawa Siangshai Papiah Lyngdoh-Phawa ha Ialong | Daw wai leh ya ka Office ka kur

February 20, 2026

Deiwa looid sula pynman yakhih ka Youth Congress ha ka AI Impact Summit

February 20, 2026

U booh mooyurim leh yow chna ya ka Mawkhanu Football Stadium, ka wow man ka madan yalehbol wa heh dooh ha India kawa chniam hadooh 40,000 ngut ki bru kawa daw chna katkam ka juk wa katni hei lut wa ₹732 klur.

Kiwi de toh ki mooyurim toh neibynta i kreh yow chna ya ka Working Women’s Hostels ha Shillong, Jowai, Byrnihat wa Tura hei lut wa ₹132 klur.

Daw wai ko leh lyngba ka Virtual Inauguration ya 75 tylli ki Digital Library wa em cha ki thaw palatsor hei lut wa ₹162 klur.

Kini ki kreh waroh dapoi ki ₹1,500 klur.

Daw lai sakhi ko leh yei sdang yei chalan ya ki satrooiñ na Meghalaya cha ka Lulu Group, Dubai.

Neitæ ha ka 12 tarik daw lai ko cha Sohra wei daw yachem ko wa ki SHG, FPO wa ki Lakhpati Didis (ki kynthai wa kamai da ki lak) napoh ka jylla.