theme-sticky-logo-alt
theme-logo-alt
Advertisement ad1

Wan wai lang u Ambassador ka Japan ya ka Cherry Blossom Festival ha Shillong

Advertisement ad1
Advertisement ad1

U Montri Rangbah ka jylla, u Conrad K Sangma chirup wa u H.E. Satoshi Suzuki, Ambassador ka Japan cha India, ynne da wai ki ya ka Cherry Blossom Festival 2021 ha Wards Lake, Shillong heiwa ya u Ambassador da synraan da ka kurim u wa kiwa mihkhmat ya ka ri Japan. 

Da wai leh ya ka Shillong Literary Festival kam chibynta yong ka Cherry Blossom Festival. 

Advertisement ad1

U Conrad K Sangma, da kmen u wow yoh u pynman biang ya ka Cherry Blossom Festival  ha uni u snem deiwa ong wa daw pynman ya ka khlieh u snem deiwa kynthup ya kiwa boon ki kaam. 

Da ong u wa ka thaaiñ mihsngi man ko kawa boon ki sap wei emkaam wow e ya ki ka rynsaan kamjooh leh wow wanrah ya ki chirup wow pachat ki ya ki buit ki budia yong ki.

Heiyatoh wa ka Shillong Literary Festival kawa man ka sien wa nyngkong, daw yohlaad kiwa thoh kot, kiwa puræ na ka jylla wow kreh chirup deiwa ekhublei ya ka sorkar Japan wa kyrchaan ko ya ka jylla.

U H.E. Satoshi Suzuki, da ong u wa ka Cherry Blossom Festival daw wanrah ko i tylli hapyrdi ki paidbah ki ar ri. Da ong u wa ka North East em ko ha i thaw heiwa em ko hapoh ka thong krehkaam ka Japan wa tip kam ka Free and Open Indo-Pacific (FOIP) Vision.

Da ong u wa ka Japan sñiawsarong ko wow kreh wa ki paidbah ka thaaiñ mihsngi iwa wanrah ya i yajan deiwa e nongmuna ya ka North East Road Connectivity Project ka wow myntoi bha ka Meghalaya wow pynyabi ya ka wa ka Assam kamjooh ka Bangladesh. 

Heiyatoh wa i sumaar syndong ya ka rymaw, da ong ka Japan da yarap bha ko hei wow wanrah yei kylla lyngba ki Project ka JAICA wow pynchlur ya i kreh ki chnong wow yada ya ka rymaw. 

Chooh chooh da ban u hajrong ka thong wow pynkhai ya ki khloo ha ki chnong wei wow yarap ya ka Meghalaya u pynemkaam ko ya ka um wa pahooh deiwa pynthymme ya ka Umiam Hydroelectric Power Plant.

Ha kani ka sngi da emlang leh ka Chief Secretary, Rebecca Suchiang, Secretary, NEC, K Moses Chalai, Dr. Vijay Kumar, Commissioner and Secretary, Tourism, Government of Meghalaya, u B K Lyngwa, PCCF, Meghalaya wa kiwi kiwi. 

Share this:
Previous

Mih sa ka seiñ Meghalaya Truck Owners and Supplier Association

Next

Da pynduna yei por wa krehkaam ka Night Curfew