Ka Mustem Teachers Association chirup wa ka VEC yong ka chnong da pynman ko ya ka lympung yalehke sports ki skur namo ka Annual Joint Sports School Meet ha ka 8 – 9 April 2026.
Ha ka sngi sdang ynne ka 8 tarik da wan wai ya ka lympung da u Ardent Basaiawmoit uwa man u MLA ka Nongkrem kam u Kongsan chirup wa u Jamchaphrang Pohtam u MDC ka War Central kam u Symbood Kongsan hei emlang u MDC warim, u Duno Nongpluh.
Neiliang kini ki Waheh hawa e i klam da e ki yei kyntien ebor emynsien kamjooh leh ki kyntien wa chongkhia ya ki khynnah kamjooh ki manbei manpa ka chnong.
Da pynchlur ki leh ya ki khynnah wow chimbynta ha ka kaam yalehke kamjooh leh yow mih ki khloor yalehke kamjooh kiwa ye wow yahkhmat ya ka Chnong.
Ki khynnah wa em da ki spah ngut da chimbynta chongchit ki ha kani ka lympung yalehke.
Hajrong ki Waheh Wasian da em leh ki dkhot ka VEC wa u Waheh Chnong ka Pynthor Langtein.
Discussion about this post