U Montri Rangbah ka jylla, u Conrad K Sangma ynne da wai u ya ka Mawryngkneng CHC deiwa emlang u Symbood Montri Rangbah, u Prestone Tynsong wa u MLA/MDC ka Mawryngkneng, u Pynaid Sing Syiem.
Ha kani ka sngi da wai leh ya ka Transit Home kawa man ka thaw sah ya ki kynthai kiwa daw kha khon noh kawa pait da kani ka CHC wei da wai u leh ya ka SHG Mela.
Ka Mawryngkneng CHC toh kawa da pynku na 6 thaw thiah cha 30 thaw thiah wei daw booh leh ya ki jait sumaar kiwa kyrpang ha kani ka thaw.
Kam chibynta wow kyrchan ya ki SHG hapoh ka jylla lyngba ka NRLM Program, u Conrad da pynbna u leh ya ka poisa kawa T. 20 klur kiwa daw phah cha ki 896 tylli ki Village Organisation ha waroh ki 12 tylli ki District. Kani ka poisa daw pynmyntoi ko ya ki 4,676 tylli ki SHG wei daw yarap ko leh ya 46,700 tylli ki manyung ka jylla.
Na kani ka T. 20 klur, T. 4 klur da booh bhah neibynta ka East Khasi Hills heiwa T. 1 klur toh kawa neibynta ka Mawrynkneng Block.
Da e leh ya ka ram kawa T. 5 lak cha ki 5 tylli ki SHG ka Mawrynkneng Block.
