U Montri Rangbah ka jylla, u Conrad K. Sangma, ynne da wai u ya u sarok Hubert Rosario Road wa em ha Spein, Mookaswan, West Jaiñtia Hills uwa jrong 1.13 Km wei uwa da chna hei lut wa Rs. 1.93 klur uwa man leh u sarok wa lai cha ka Hubert Acupressure Centre.
U Conrad hawa e yei klam da ong u wa hanla uni u sarok toh u wym da pynlut boon tangwa daw yarap u ya kiwa boon khamtam kitu kiwa wan phah sumaar ha ki Sister.
Heiyatoh wa ini pynlut yow chna sarok, da ong u wa du Rs. 659 klur da pynlait nadooh u 1991 hadooh 2018, tangwa ha ki 7 snem wa da lai da pynlut palat Rs. 4,000 klur. Kamwa 70% waroh ki sarok da chna hapoh ka Pradhan Mantri Gram Sadak Yojana (PMGSY) hapoh ka jylla wei dadep leh wow chna ki ha ini i por.
Da khana u leh wa ka sorkar da e yarap ko cha ki Hospital wa pynlai da ki seiñ niam wei daw yarap leh ya ki thaw wa em cha palatsor kam kani ka Hubert Acupressure Centre.
Da ong u leh wa daw e yarap cha kitu kiwa sumaar dei stat tynre kiwa em hapoh ka jylla.
Da ya emlang ha kani ka sngi wa u Archbishop Victor Lyngdoh, Shillong Diocese, u Bishop Ferdinand Dkhar, Jowai Diocese, u MLA ka Jowai, u Wailadmiki Shylla, u Symbood Montri Rangbah, u Sniawbhalang Dhar ki sahep ka Public Works Department deilang ki bor District.
Discussion about this post