Jowai : U Symbood Montri Rangbah ka jylla u Dr. R.C Laloo ynne ka sngi da wan wai u ya ka Indoor Sports Hall ka Ladthadlaboh Dorbar Chnong hei emlang u Deputy CEM, JHADC u A.A Shullai, u Waheh Chnong ka Ladthadlaboh u L.D Lakiang, General Secretary u A.B.M Shullai, JHADC MDC K.M Lytan, kiwa mihkhmat ya ka Sport Department, ki khynnah wa kiwa sikai ka Ladthadlaboh U.P. School, SSA wa kiwi kiwi.
Ya kani ka Indoor Sports Hall da chna heidor T. 1.06 klur wei ya ka poisa da e da ka Sports Council ka Meghalaya.
U R.C. Laloo hei klam yong oo da yaroh u ya kiwa heh ka chnong kamjooh ki dkhot wa man ki kiwa stat u pyrkhat jngai kamjooh yei krehkaam lang ki wa oo yow ye u yarap ya ki yow pynku ya ka chnong ka thaw.
Da ong chooh chooh u wa daw pteiñ i kyrchaan yong oo ya ki ym du neiliang ka sports kamjooh leh ya kiwa boon ki khynnah khynroo emkaam ki yow heh u san ki ha waroh ki liang. Da ong u leh wa daw yarap won u leh sa ya ki tiar yalehke na ka MLA Scheme yong oo.
U Waheh Chnong u L.D. Lakiang hei klam tbian yong oo da ong u “Wa kani ka sngi toh kawa sahkynmoo wei pynsarong ya ka chnong heiwa deiwa yoh ya kani ka yung thymme kattu da yoh u pynemkaam ya ka ym du ya ki kaam Sports kamjooh leh ya ki yalang ka chnong wei da e khublei u ya u MLA yei yarap yong oo u kyrchaan ya kani ka yung Sports kamjooh leh ya ka yung skur.
Kiwi de wa klam ha kani ka sngi toh ka Dr.E.Chyne, Chairperson Ladthadlaboh Women’s Organisation, u P.Kynjin, Acting Dolloi Elaka Jowai, u A.A Shullai, Deputy CEM JHADC.
Discussion about this post