Jowai: Ya ka Vivekananda Computer Training Centre ha Mookyrdup, Jowai, kawa hapoh i pyllai u Tyrchain Phawa, da wan wai ya ka da u Swami A. Maharaj, uwa man kam u Secretary ka Ramkhrishna Mission Shillong ha kani ka 25 tarik uni u bnai .
Ya ini i wan wai da wan sakhi da ki waheh kamjooh leh ki 35 ngut ki khynroo khyllood kiwa man kiwa man leh ki First Batch yong kani ka thaw esikai computer heiwa da em leh u Waheh Chnong ka Mookyrdup u Pyrkhat Shylla.
Ha kani ka sngi da em leh ka yalang kawa da lamkhmat da u Swamy A. Maharaj.
U Swami hei klam da ong u wa ka pyrthai ka juk katni toh ka juk Science & Technology wei i wai ya kani ka thaw esikai ha Mookyrdup, Jowai toh i thmu wow yarap ya ki khynroo khyllood wow tip ki chapahng ki Computer.
Da ong chooh chooh u wa hanlada man u bru uwa da stat uwa da pyndep ya ki kyrdan puræ wa ha rukom leh man won u uwa doom lada ymtip Computer u.
Da yoh leh yei klam na u Waheh Chnong ka Mookyrdup, u Pyrkhat Shylla, u Tyrchain Phawa, uwa man leh u Chairman ka Vivekananda Computer Training Centre, Jowai wa ki kyntien e khublei na ka Riplin Phawa.
Discussion about this post