15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Da wai ya ka Parish Jalaphet ka Parish wa 17 ka Diocese Jowai

0 Comments

Jowai: Ka Balang Katholik hawa wai ko ya ki Parish ymtoh u pait ko ya kiwa ngait næ wow yalap ya ki kyntien u blai tangwa yarap ko ya ki paidbah hei stat i tip, i chait i khiah wa ka imlang sahlang liang wanang da ong u Hendro Dkhar.

Ya ini da ong u heipor wa wai ya ka Parish wa thymme ha Jalaphet ya kawa da wan wai da u Bishop ka Jowai Diocese, Most.Rev. Victor Lyngdoh.

Chooh chooh u Hendro Dkhar da ong u wa ka Balang Katholik hawa wai ko ya kawon kawon ka Parish chna ko leh ya ki skur, ki Dispensay wa kiwi kiwi kiwa yarap ya kiwa emkaam ki paidbah.

Yei wai ya ka Parish da man ko kawa phooh wa phieñ kawa da wanrah yei kmen wa khroo neibhah wa da man ko ka Parish kawa 17 hapoh ka Diocese Jowai.

Da wan sakhi yeini da ki hajar ngut, kiwa kynthup ya kiwa mihkhmat kam u MLA ka thaiñ u Hopeful Bamon, u Justine Dkhar MLA, u Philip Tangliang MDC ka thaiñ, u H. Bareh MDC, u Bison Roy Iano, u Chitlang Pale, ki Langdoh, ki Sister, ki sahep sorkar, wa kiwi kiwi.

U Bishop Victor Lyngdoh hei klam da pynsñiaw u yei mynsien wa kmen neibhah wa dei kyrkhu u blai da ye u wai ya kani ka Parish Jalaphet kawa da e naam ha u Paulus Apostol “St. Paul ‘s Parish”.

Da batai u leh yei mut ka Parish heiwa da ong u em ko ar tylli ki lyngkor wa khia wow kit ko, kawi toh kam ka kynja mynsien wei kawi won i doh i pran. Kam i doh i pran emkaam ko u yakrehlang wa waroh kiwa chong chnong khlem sniaw yaphær niam wow wanrah yei sñiaw chngaiñ, wow wanrah i stat i tip, i chait i khiah wa kiwi kiwi.

U Bishop da pynkut u yei klam deiwa kyntu ya ki paidbah waroh wow lai ki chirup wa ki Lyngdohsohblei (Phadar) ki wow pait wow pyllai ya ka Parish.

Ya kani ka Parish u pyllai da ki Phadar Jesuit, heiwa u Phadar Alfred Kharbuli u man u kam u Parish Priest.

Da pynkhroo chooh chooh ya ka da i lai Proseshon Iukharist kawa tbian wei da pynkut da i kyrkhu wa kyrpang da ka Sakrament wakhooid tam ha Duwan da u Bishop Victor Lyngdoh yeiwa da pynbood won da ki kaam pynwyrngia.

Previous
Next

0 Comments

Leave a Reply