Ynne ka sngi ya ka 7th Money Prize Football Tournament kawa pynlai daka Chiehruphi Social & Youth Welfare Sports Club da wan wai ya ka da u Vincent H Pala, MP kam u kongsan.
Ha ka yalang wai da yoh ya ki ktien pdiang burom na u Chairman ka Club, u Dr. J. Lapasam wa i klam na u Waheh Chnong ka Chiehruphi, u P. Rymbai.
Neiliang u kongsan da yaroh u ya ka Club kawa da ye u pynlai bait ya ki Tournament wa dadep, ngait skem u leh wa ha uni u snem u man ko kawa lai bait lai ryntih, da kyntu u leh ya kiwa kitkaam ka Club wow man ki kiwa yatoh yumut khnang wa ki kaam yong ka Club u lai bait lai ryntih.
Da kular u leh ya ka Club wa katwa ye wa lah i bor daw e yarap u lyngba ka MP Scheme. Neiliang ka Club won da e ko yei kyrkhu ya u kongsan hei lai luti yong oo chaphrang.
Ha ka yalehke wa sdang ynne ka sngi, da pynman hapyrdi ka Thangskai pyrchah ya ka Moosianglamare Thymme kawa da jop da ka Thangskai da 1-0 da ka kool wa thap da u Boimi Syrti.
