Kam chibynta i wai pyrda ya ka Saipung Block Association Super League, neiliang u Vincent H Pala, MP kam u kongsan da wai u ya ka thaw chongke kiwa chah khut sñiawbha wa em ha ka madan yalehbol wa em ha Lamyrsiang.
Ya ka lympung yalehbol won da wai da u Dr. W.R. Kharlukhi, MP kam u kongsan heiwa ya kini waroh ar da leh ha ka 16 tarik uni u bnai.
Ya ka thaw chong kiwa chah khut sñiawbha da pynyoh da u Vincent H. Pala ha ka mang tyngka kawa T. 30,00,000 na ka Scheme MPLADS 2018-2019 wei kamjooh leh na u F.M. Dopth, uwa da pynyoh hadooh T.15,00,000 na ka District Welfare Fund 2019 ha i por wa dang man u kam u Deputy Commissioner ka East Jaiñtia Hills District.
Ha ka yalehke wa nyngkong ka Super League da sdang da ka yalehke hapyrdi ka Tluh SCSC pyrchah ya ka Mulait United FC heiwa ka yalehke da kut ko da mar chi kool.
Ha kani ka sngi da emlang leh u MLA ka thaaiñ, u Shitlang Pale, u DC ka South Garo Hills District, u F.M. Dopth, u DC ka East Jaiñtia Hills District, u E.R. Kharmalki wa u Adviser u Chief Minister, u Dr. Ruben C. Lyngdoh.
Da emlang leh ki MDC wa kynthup ya u Seibor Shadap, Phasmon Dkhar, u Evening Star Teron wa u Krison Langstang deiwa emlang leh u DSO u K. Passah.
I pyntip na u General Secretary, u Rimi Chadap.
