theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Wan wai u Wailadmiki ya ka NICE ka thaw e sikai Computer wa thymme ha Jowai

Advertisement ad1

Ynne ka sngi hawa wai paidbah yaka Nacati Institute of Computer Education (NICE), ha OK Complex Ladthadlaboh, Jowai neiliang u MLA ka thaaiñ u Wailadmiki Shylla kamjooh u General Manager ka District Commerce and Industries Centre, West Jaiñtia Hills, u P. Toi da e yaroh ki ya u Wakham Pohti uwa seiñkhih wada man u kam u nongmuna ya kiwi tawan ki khynroo khyllood wow yieñ ki hei yong ki hi i kjat neibynta u seiñkhih seiñkreh deiwa chim kabu leh yaki laad yarap naka sorkar, neibhah wa i khih sorkar man iwa eh bha u yoh ha kini ki sngi.

U P. Toi pyntip u wa heiyatoh wa kani ka kaam, u Wakham Pohti da yoh u i kyrchaan poisa naka Prime Minister Employment Generation Programme (PMEGP), kawa man ka Scheme wada mang daka sorkar u e yarap ya kiwa kwah u seiñkhih seiñkhan.

Da pyntip u wa lyngba kani ka PMEGP kiwa kwah u seiñkhih ye ki u yoh ka ram naki Bank deilang waka Subsidy naka sorkar hadooh kamwa 35%. Heijooh i por kyntu haroh u ya kiwi tawon wa kwah u seiñkhih wow wan ki chakhmat u chim kabu ya kani ka Scheme.

U General Secretary ka JSU, u Treiborlang R Suchen kam u symbood kongsan hawa pynsñiaw yei lai luti yong oo kam u khynroo kamjooh leh hapoh ka seiñ JSU, ong u iwa kongsan tam toh i chaniah da i ya i hi, neibhah kani man ko ka thong wa rieh yong uwi pa uwi u bru yow jop hei lai luti yong i. 

Neiliang u Wailadmiki Shylla won hei klam yong oo kam u kongsan ong u, em boon tylli ki thaw e sikai wa kam kani, tangwa emkaam u leh iwa rap phær iwa man kyrpang khnang wa ki khynroo khyllood u sñiawsuk ki u wan cha kani ka thaw e sikai. 

Neitæ ong u wow sdang wei pynkut ya kawon kawon ka kaam man iwa suk, tangwa u pynlai yaka hei rukom wa biang man iwa eh, na ini i daw kyntu u wa nyngkong hi toh u em i mynsiem wow e i chakri wa biang yaki paidbah, wei kreh chitom khnang wa kiwi tawon ki myntoi wa yooluti u yoh daw pna wan ki hadien.

Heijooh i por yaroh u ya uni u khynroo wa da mih u chakhmat wow chim ya kam kani ka laad ka kabu kawa man leh kam ka nongmuna ya kiwi tawon kiwa yang bait yei khih sorkar.

Hawa pynsñiaw yaka thong yong kani ka Nacati Institute of Computer Education (NICE) u Wakham Pohti ong u ka thong yong ka toh yow pynkrai yei tip i stat Computer neibhah ha kini sngi da boon hi i khih i kreh da leh haka kor Computer.

Man ko leh kam ka Smart Institute neibhah da leh Online bait waroh i jait nadooh iwa yatoh waka Admission, i yoh Notes, Notice, Syllabus, Feedback System hadooh wow pynyoh ya ka Certificate.

Lyngba kani ka thaw e sikai angnood u wym du wow e i tip i stat Computer donhi, tangwa hadien daw thooh u leh ki laad pynyoh khih yaki khynroo khyllood.

Ha kani ka sngi da yoh leh i duwai na u Rev. CL Laloo, i klam na u Timothy Phawa ha ka yalang wa pynlai da u Kermio Dkhar.

Share this:
Previous

Jop suk ka Shangpung, ka Mawsiang waka Iooksi Youth haka 3rd Division ka WJDSA

Next

E snaam sñiawbha ki dkhot ka Sarot I Man