Ka 3rd Division 2024 ka East Jaiñtia Hills District Football Association da pteiñ ya ka ynne ka sngi kawa man leh ka sngi wa soo deiwa pynman le tylli ki yalehke.
Ha ka yalehke wa nyngkong, ka Shymplong SCSC da rem ko da 0-1 ha Evergreen Ladwahwapung SC da ka kool wa thap u Testme Dkhar.
Ya ka Evergreen da wan leh wow yalehke lang da u Chairman ka JHADC, u Dr. Sankey Shangpung uwa da ong wa oo man u uwa sñiawsuk bha u yalehbol wei da e yarap u ya chiboon ki Club wa em hapoh ka Constituency u.
Ka yalehke wa ar da kut ko da 0-0 hapyrdi ka Wahsanphaw SCSC waka Wahsarang SC.
Ka yalehke wa le leh da kut ko khlem em wa jop heiwa da thap mar ar kool hapyrdi ka Tongseng Youth SSC waka Wapungshnong SC.
Ya ka Tongseng da thap da u Jimmy Amse ha ka minit wa 6 wa u Nongpynthymmai Kyndoh ha ka minit wa 34 katwa ya ka Wapungshnong da thap da u Wanphai Dkhar ha ka minit wa 2 wa u Helpme Dkhar ha ka minit wa 63.
Ki yalehke wa bood u pynman ha ka 17 tarik kiwa man kamni:
Moolang SC Vs Iongkaluh Wahsder SCSC (10:30 AM)
Suchen Lumiarian SC Vs Musniang Rim SC (12:30 PM)
Shiborlang SC Pynthorsale Vs Lumshnong Youth WSC (2:30 PM)
Discussion about this post