August 13, 2017

Wanrah burom ka WJDBA ya ka District ha ka 35th Meghalaya State Badminton Championship
Jop ko ha ki 5 tylli ki kyrdan

Advertisement ad1

Shillong: Ha ka 35th Meghalaya State Badminton Championship wa pynman nadooh ka 9-12 tarik uni u bnai ha Shillong, kiwa yalehke ka West Jaiñtia District Badminton Association (WJDBA) da wanrah burom ki ya ka District deiwa jop ki ha kawa boon ka kyrdan.

Ha ka Under 13 Boys Double u Ritre oo Dame Nongpluh wa u Arman Bamon na WJDBA da jop ki ha ka Final deiwa pynrem ya u Mohit Joshi wa u Keziah Chullai na ka EKHDBA da 21-14, 21-17.

Ha ka Under 15 Boys Single u Deilang wa-oo Nongpluh, WJDBA da pynrem u ya u George Kharbani, EKHDBA da 21-18, 21-13.

Ha ka Under 15 Boys Double u Gregoreo Passah wa u Deilang wa-oo Nongpluh (WJDBA) da pynrem ki ya u Sambul Lamare wa u Ranking Chyrmang kiwa na ka WJDBA hi da 21-14, 21-12.

Ha ka Under 17 Boys Double u Hrisami Passah wa u Buromlang Ki Lakiang na ka WJDBA da pynrem ki ya u Rishanmioo Bamon wa u Deilang Wa-oo Nongpluh na ka WJDBA hi da 21-17, 21-13.

Ha ka Senior Mens Double u Mebanker Shullai wa u Nangebormi Suting na ka WJDBA da pynrem ki ya u Raju Joshi wa u Premium Joshi na ka EKHDBA da 21-18, 23-21.

Waroh kiwa yaleh ke ka WJDBA da jop ki ha ki 5 tylli ki kyrdan wei da poi wa ar ki ha ki ar ki ha ki artylli.