Jowai : Ka 34th State Badminton Championship wa dang dep pynman ha Nongstoin Indoor Stadium nadooh ka 23 hadooh ka 26 tarik uni u bnai da man ko kawa sarong ya ki wa yalehke Badminton ki dkhot ka West Jaiñtia District Badminton Association heiwa da poi final ki ha ki 10 tylli ki kyrdan wei da jop ki ha ki 6 tylli.
Da jop ki ha ka kyrdan Mixed Double, Men Single, U-17 Doubles wa ha U-15 Doubles.
Ha ka u-17 da poi final pynar da ki wa yalehke ka WJDBA kamjooh ha ka U-15 Doubles.
Ya ka Men Single da jop u Ram Najiar. Ha ka Mix Doubles da jop u Ram Najiar wa ka Dorothy Challam. Ha ka U-17 Boys Doubles da jop u Hrisami Passah wa u Buromlangki Lakiang. Ha ka U-15 Boys Doubles da jop u Rishanmioo Bamon wa u Deilangwa Oo Nongpluh.
Kamwow pynkynmoo da chah jied 30 ngut heiwa 5 ngut toh ki kynthai wa 21 ngut ki chynrang hadien wa pyndep ya ka 7th District Open Badminton Championship.
Discussion about this post