Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

Ka Executive Committee yong ka Voice of the People Party (VPP) da kyntait ko warr yei chah pynbaad ha ka Liang Pyrchah wa ka EC da thmu ko wow yahbakla.

Hawa klam wa ki laad pathai khubor, uwa e ktien ka EC uwa man leh u EM, u Powell Sohkhlet da ong u wa neiliang ka EC ym em ko i thmu wow yahbakla hawa wanrah ya ka mang tangka 2025-26 hapoh ka yung dorbar.

Da ong wa hawa wanrah kat ya ka mang tangka deiwa leh tang dep rukom ym man kawa toh, deiwa kubur wa da em i wanrah ya ka Supplementary Expenditure iwa nachwa ym pu em wa leh kamni wei ini chong i hei stat ka EC wei ym ktah ko yei krehkaam wei pynlut pynsep yong ka Council.

Ha kawi won ka liang, u Powell da khana u wa kani ka EC ha ka sien wa nyngkong da tyrwa ko hapoh ka dorbar mang tangka wow em noh da ka Recruitment Committee wei ha ka sien wa nyngkong wa ka EC da tyrwa wow chon (Print) noh ka Council ya ki Trading License kawa daw pynyoh nong ya ka Council hadooh Rs. 60 lak chi bnai neibhah waroh chi kattu da phah Print cha ki bru samen iwa da wanrah yei dooh nong ya ka Council.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

U EM da ong u wa ka mang tangka wa da wanrah da ka EC yong ka VPP toh ka mang tangka kawa boon dei mih bar yeiwa pynlut, wei da khana u leh wa kiwa boon ki Committee ki wym da emkaam wa da thung da ka EC warim da pyndam noh ki kiwa da yah chei pynlut poisa.