Ka sorkar pyrdi ynne ka sngi ha ka Special Session ka Parliament ha Lok Sabha, da wanrah ko ya ka Bill wow pynkrehkaam ya ka bhah ki kynthai (Women’s Reservation) da 1/3 ha ki Dorbar Chna Aiñ.
U Union Minister for Law and Justice, u Arjun Ram Meghwal da wanrah u ya ka Constitution (One Hundred and Thirty-First Amendment) Bill, 2026, dei thmu wow wanrah ya ka bhah ki kynthai.
Neiliang won u Union Home Minister, u Amit Shah da wanrah u ya ka Union Territories Laws (Amendment) Bill, 2026.
Katkam i tyrwa pynkylla ya ka Constitution Amendment Bill, ki Seat ha Lok Sabha u pynku ya ki na ka 543 tylli cha ka 850 tylli wow e bhah ya ki kynthai ha ka Election MP yong u snem 2029 deiwa bhah (Delimitate) ya ki Constituency katkam i kheiñsap na ka 2011 Census.
Ini i tyrwa daw pynku i leh ya ki Seat ha ki jylla kamjooh ha ki Union Territory wow yoh bhah ki kynthai 33%.
Hajrong ini, ki seiñ ka Liang Pyrchah da rai ki wow pyrchah ya i tyrwa phiah ya ki Constituency tangwa ym em pyrchah ya i booh bhah ya ki kynthai.
Discussion about this post