Wanrah ka sorkar pyrdi yaka Bill wow khang ya ki seiñ wa pyllang poisa na ki paidbah

New Delhi: Ka Union Cabinet kawa da khlieh da u Prime Minister u Narendra Modi da mynjur ko ya ka Bill wa tip kam ka Banning of Unregulated Deposit Schemes Bill, 2019, ka wow mih heithaw ka Banning of Unregulated Deposit Schemes Ordinance, 2019.

Ya kani ka Bill da wanrah hadien wa pynmih ya ka Ordinance haka 21-02-19 kawa daw yap hadien 6 tayaw wa wan ka sorkar pyrdi wa thymme.

Lada man aiñ kani ka Bill daw yarap ko wow em ka aiñ wow pait ya i rukom pyllang poisa da ki seiñ wa boon hapoh ka ri kiwa chim kabu yei tlot ka aiñ wa pait ya kani ka kaam hapoh ka ri heiwa boon ki bru da chah thok da chah chukor ki ha kiwa boon wow thap poisa ha ki seiñ wa kular wow e ka sut wa heh kamjooh kiwa khlem sut wa kiwi kiwi ki myntoi kiwa ym tipmit da ka aiñ.

Ya kani ka Bill da tip nyngkong ya ka kam ka The Banning of Unregulated Deposit Scheme Bill, 2018 wei da wanrah ya ka ha Lok Sabha haka 13-02-19 yow phyllu yumut ya ka wei da mynjur leh ya ka hapoh ka Lok Sabh wei da rah ya ka cha ka Rajya Sabha tangwa da kut noh ka yung bichaar khlem yoh u mynjur yaka kamtæ da yap noh ko pyn ha ka sngi wa poi ko ha Rajya Sabha tangwa ha kani ka sorkar thymme daw wanrah biang ya kani ka Bill da iwa thymme.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024