Wanrah ki MDC ka Liang Pyrchah ka JHADC ya 5 tylli ki Motion tangwa pyndam noh ki

Ynne ka sngi ka JHADC da pynman ko ya ka Summer Session wa chi sngi heiwa ki MDC ka Liang Pyrchah da wanrah ki ya 5 tylli ki Motion.

U Jamshaphrang Pohtam da wanrah u ya ka Motion heiyatoh wa i emkaam wow chna ya ki aiñ ya ki rukom im wa kyrpang wa ki chaad niam hapoh u pood ka Council.

Ka Laiawanlamjinghun Khynriam da wanrah ko ya ka Motion wow yada wei pynneh ya ki nan, ki um, ki wah wow lait ki nei chah leh pynsih wei pynemkaam bakla.

U Nehemaia Lamare won da wanrah u ya ka Motion wow pynku wei yada ya i hok ki jaitbru ri-loom hapoh u pood ka Council.

Neiliang won u Rikut Parien da wanrah u ya ka Motion heiyatoh wa i emkaam wow Register (Land Holding Certificate) ya ki thaw yong ka JHADC, ka sorkar jylla, kamjooh ka sorkar pyrdi.

Related posts

Yoh nyngkong ka Dakahi Kyndait ha ka World Championship 100K Ladakh -Trail to Heaven

August 10, 2026

Ki Constituency ka East Khasi Hills kiwa boon dooh kiwa thap Vote wa chah pyndam pyrtuid

August 9, 2026

Chooh chooh u Jamshaphrang Pohtam da wanrah u sa kawi ka Motion heiyatoh wa i khayi da ki baar jylla hapoh u pood ka JHADC lada man iwa myntoi næ ym myntoi.

Hadien wa da pynsñiaw ya jar jiar i sñiaw yong ki MDC, neiliang u CEM ka Council, u Thombor Shiwat da e u yei pynche iwa da pynhun ya ki MDC ka Liang Pyrchah wei da pyndam noh ki ya ki Motion.