Ha ka miet yong ka 23 tarik uni u bnai, waroh chi miet, kiwa chongdai madan na kylleiñ ki chnong wa ki thaw yong ka nongbah Shillong da yalum lang ki wow synraan ya ki para wa chongai madan ha Khyndailad deiwa khlem sangeh yei dai ya ki mar ki mata yong ki kam ka dak wow yakhih yow pyrchah joor yei pyndik, pyntieñ pynsmiej yong ki bor sorkar wow kyrriah wei khyndang yabor ya ki.
Ya ini da leh hapyrdi i kjam wa joor kam wow yakhun leh yei hok yong ki wow kamai ja-kpoh heiwa neiliang u Shane Thabah, General Secretary yong ka MGSPHSVA, kawa man ka seiñ kiwa chongdai madan da ong u wa ini i sah miet yong ki wow yakhih toh kawa em burom tam yow pynkynmoo leh ya ka sorkar wow pynkrehkaam hok ya kawi pa kawi ki kyndon yong ka aiñ ‘The Street Vendors (Protection of Livelihood and Regulation of Street Vending) Act 2014’ kawa man ka aiñ wow yada wei kyntu ya ka kamai ja-kpoh yong kiwa chongdai madan.
Ka seiñ da ong ko wa hawa em i chna thymme da ka sorkar, kam ka Shopping Mall ha MTC, ka Marriot Hotel, Vivanta Hotel, Polo Market, Laitumkhrah Shopping Complex toh wow mang kyrpang kamwa 20% ki kamra dukan neibynta kiwa chogndai madan yow ye ki leh wow dai ya ki mar ki.
Chooh chooh da ong da yoh thaw bait hawa em kiwa rwai wa put wow pynyoo yei sap yong ki wei wow pynwyrngia ya ki bru, wei ka seiñ kiwa chongdai madan ki pdiang sñiawbha ki wow wan ki wow rwai wow kynood ha ki thaw kiwa chongdai madan wei kamwa kwah u Paul Lyngdoh u leh nadooh wow rwai næ puræ Poetry, wei kam kiwa chongdai madan smat ki wow yarap wow pynkhreh wei pynman ya ki tamasa wa kyrpang neibynta yong ki ha madan.
Discussion about this post