Jowai: Hadien wa mih ka khubor hamsaya lyngba ki Social Media wa ong wa daw khang ki bank hadooh 6 sngi ha ka tayaw wa nyngkong yong u Naikhynde 2018, da wanrah i yei kulmar hapyrdi kiwa boon ki paidbah.
Lyngba ini da pyntip wa waroh ki bank u man ki kiwa wai waroh chi tayaw yong ka tayaw nyngkong u Naikhynde wei u khang ki toh ha ka 2 tarik wa man ko ka sngi Bibar, wa ka 8 tarik kawa man ka Sngi Choh-that yong ka tayaw wa ar u Naikhynde.
Ka 3 tarik ym man ko kam ka sngi chuti ha waroh ka ri lait noh ha ki kattu katni ki jylla wa pynbna chuti katkam ka aiñ Negotiable Instruments Act, 1881.
Wot ha ki sngi chuti ki ATM ha waroh ki jylla toh u man ki kiwa wai wei ki Online Banking toh u krehkaam ki wei ki Bank toh u pyntikba ki wa ki kor ATM toh u man ki kiwa biang ka poisa kot.
Ini toh katkam wa pyntip da ka Ministry Of Finance yong ka sorkar pyrdi.
Discussion about this post