Waroh ki chnong ki wym pu em Anganwadi Centre daw yoh noh ki | Daw chna leh soo tylli ki Working Women’s Hostel

Uwa e buit ya ka sorkar jylla ha ka chnat Social Welfare, u Paul Lyngdoh da pyntip u wa waroh ki chnong ki wym pu em ya ki Anganwadi Centre wa daw yoh noh ki, da khana u wa hadooh kattæ da em palat 6000 tylli ki Anganwadi Centre ha ka jylla wa 17,000 tylli ki chnong daw yoh noh ki hapoh u Wisu (Mar) 2026.

U Paul da pyntip u leh wa ka chnat Social Welfare dang ini wa dep da chong bichaar ko yei kaam wa yatoh wa i e baam kiwa tei yei doh i pran ki khynnah yow e ya ki jait baam wa pynkhlan ki wym pu jooh e ha ki por wa dadep.

Da pyntip u leh wa neibynta ini, ka Asian Development Bank da mynjur ko wow e poisa Rs.20 klur man-u-snem.

Katkam wa pyntip u Paul, ka sorkar daw booh ko sa 4 tylli ki Working Women’s Hostel, mar kawi ha Jowai, Ri-Bhoi, Shillong wa Tura, najrong wa booh ki paikhana ha ki skur wa kiwi kiwi ki kaam.

Related posts

Dang em ki kattu katni ki khon ka Ri-loom Jaiñtia wym tip ki wa ki toh ki Indigenous Tribe: Lasky Rymbai

March 20, 2026

I sarom ya ka JHADC wym em ka Website wa krehkaam pynsñiaw ki MDC Liang Pyrchah

March 20, 2026

Da khana u wa ka sorkar da booh ko leh ya uwi u Helpline Number-181 neibynta ki kynthai wa chah thombor, wei lada em iwon iwon i chah thombor toh u pyntip ha utai u Number uwa krehkaam ha waroh 24 kynta.