15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Advertisement ad1

Advertisement ad1

Waroh ki jait dawai toh ki drugs tangwa lada pynemkaam bakla won pynsih ki: Rev. B. Syiem

0 Comments

Jowai: U Rev. B. Syiem uwa man kam u Chairman ka tnat Urban Mission KJP Synod Sepngi, hawa e u i klam haka Awareness Programme wa pynman daka NSS Unit Thomas Jones Synod College haka 6 tarik hajrong ka phang “Drug Abuse and Illicit Trafficking” da ong u, kiwa dih drugs haka Jylla da roi bha ki kat dang mih ki sngi wei katkam ka yukheiñ namo ka statistic yong 2009 ka Ri-Loom Jaiñtia da tam ko ya ka East Khasi Hills hei boon kiwa dih drugs.

Ya u drugs boon hi ki khynnah khynroo da sdang ki wow ngat heipor wa lai skur dei thmu wow maad hi-eh namo wow pyrchang maad khlem i thmu wow kyrni, tangwa chisien wa maad won da eh wow yait ki.

Lada kyruiñ won hei yatoh wa boon kiwa pynemkaam drug da chem wa boon dooh toh ki khynnah heiwa hapyrdi i rta 10 hadooh15 snem wa em kamwa 31%, 16 hadooh 21 snem 23%, 22 hadooh 32 snem 31% katwa hei rta wa 32 snem chaneiñ won 15%, neitæ won kiwa boon hi i sih wa mih ha kini ki sngi leh toh kiwa em yatoh wow drugs wa kynthup nadooh ki kaam tooh kaam lute, i tynyap wa kiwi kiwi.

Hawa pynche won hajrong ka Drugs Abuse, u Rev. B. Syiem da ong u wa waroh ki jait dawai toh ki drugs tangwa lada pynemkaam bakla won pynsih ki, hanlada toh makna kiwa da e daki Doctor leh, katwa ka Illicit Trafficking won toh kawa yatoh wei yadai iatheid wei i dih yaki drugs wa man pyrchah ya ka aiñ.

Da kylli u wa ileh hawa waroh da yatip wa u drug toh uwa sih leh dang boon kiwa ngop? I jubab hi toh wa hawa sdang,  kwah hi-eh ki u maad wei hawa kwah maad toh da yoh makna bait, tangwa manda kyrni won haap wow thied.

Neitæ won em kiwa pynemkaam neidaw wym em sma u, neidaw wym chaniah de ki pyndaki yaki wei ngop haki lok, neidaw u pyndooh chipor yei eh wa maad, neidaw wa pynwiar u i kjut natlor kiwi won ki daw, tangwa ktah won u yei chait i khiah, i thit i pyrkhat, i yoh i lai, i puræ puthi, ka yung ka sem wa ka imlang sahlang.

Kamtæ da kyntu u ya ki khynnah ki khynroo khyllood wow ong bait ki ymbien yow drug neibhah chisien da maad da eh wow yait, wei  ymhoi leh u baam ki kynja duma, dih sikret dih kiad neibhah kini toh ka dwar wow yah chow drug.

Yow jop won yeini waroh emkaam wow pynman i e sikai pynsñiawthooh haka imlang sahlang, natlor wow e mynsien ya kiwa ngop u man laitlooid ki neichah kdoh hei kyrni, u laitlooid ki hei thij i pyrkhat, kamjooh kitu kiwa ngop leh emkaam u thooh  yarap ki na baar kamjooh naki bei ki kpa, kiwa sikai, natlor wow yait nei rukom im wa nachwa.

Kamtæ katkam ka phang yong uni u snem kawa ong “Listen First – Listening to children and youth is the first step to help them grow healthy and safe” toh wa neiliang ki bei ki pa leh emkaam wow ap wow chahchkoor ki ya ki khon hawa kwah ki u khana yei eh yong ki.

Ha kani ka yalang e sikai wa pynman ha hall ka Thomas Jones Synod College da emlang leh u Principal ka College u Dr. R.R. Kharkongor, u Programme Officer NSS Unit W. Lamin wa  kiwi kiwi.

Share this:
Previous

Kular u Conrad Sangma wow chimkhia wow pynku kyrdan noh ya ka Laskeiñ C&RD Block: LBWO

Next

Da wai ya ka Juvenile Home ha Mawkasiang