U Montri ka chnat Puræ Puthi, u Lahkmen Rymbui hawa wan wai ya ka yung thymme namo ka Academic Building Annex yong ka Jowai Polytechnic ha ka 8 tarik uni u bnai, hawa e yei klam hakhmat kiwa boon walang da ong u wa lada kreh ha iwon iwon i kaam ymtoh u sñiaw wa leh yeiwa khian wa nai neibhah waroh iwa leh toh iwa em dor iwa em burom.
U Lahkmen da ong u wa utu uwa lum sarok ym em man u uwa poh hakhmat u Minister, neibhah lada ym em wa pynkhooid sarok kiyi wow leh yeini. “Ini wa dep da em uwa yahkhmat paidbah uwa da wan klam ha Jowai uwa da ong wa kiwa yoh kreh ha Marriott wa kiwi de toh du wow pynkhooid paikhana.”
Hajrong ini u Lahkmen da ong u wym toh u kheiñbeiñ wei yoobeiñ yei kaam wa leh ki bru.
Chooh chooh da ong u wa ha Jowai embhah bha i neibhah ki bru wa man kam ki Non-Tribal em ki du wi ar donhi kiwa pynkhooid ya ka chnong iwa pynyoo wa ki tre chnong ye ki wow leh yei kaam lym kamtæ da wan ki Kharmator kamwa jia ha Shillong wei kattæ kammon u kyrriah ya kini.
Kamtæ da ong u wa ha Jaiñtia Hills embhah bha i neibhah em i kheiñkor ya iwon iwon i kreh wa leh i neibhah ym em kheiñ wa kiwa lum sarok, kiwa dai kwai toh i wym em dor. I kheiñ salonsar i ya waroh wei deiwa tip u burom daw poi chei jop.
Discussion about this post