Waroh ki party hapoh ka jylla toh ki BJP: KHNAM

Shillong: Ka Khun Hynniewtrep National Awakening Movement (KHNAM) da beiñ joor ko ya waroh ki seiñ saiñ hima sima hapoh ka jylla deiwa ong wa waroh toh ki BJP.

Ya ini da ong u Working President ka KHNAM u Adelbert Nongrum ha ka yalang wow pynskem ya ka KHNAM Mawhati Constituency Committee.

Da ong wa du ka Congress waka KHNAM toh kiwa lai samen ha kani ka Election katwa kiwi tawon ki Party toh ki BJP.

Da ong u leh wa ka BJP da sdang ko u wan soohthied ha kani ka jylla tangwa ym em la-ær ko kamtæ da pynemkaam ko da ki Party wa em hapoh ka jylla.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

“Ka BJP neidaw wym emlaad de ko deiwi tawan wow psiah cha ka jylla da rieh ko ha i syrngu yong kiwi,” da ong u Nongrum.

Da beiñ u leh ya ka seiñ saiñ hima ka People’s Democratic Front (PDF) wa ha ki kajiak bnai wa da seiñ ya ka da sdang wot ko u thok u chukor da ki kaam thok kawa da pynjemdaw ya ka jaitbru.

Da ong u leh waka PDF da thok ko ya ka jaitbru deiwa wanrah ya ka aiñ Rangbah Shnong ka wym em lamieñ wei ymye ko wow pynpsiah ya ka kyndon ha ka Section 128 ka AD Rules wow khanglaad ya kiwi ki jaitbru wow chimbynta ha ka election cha ki Autonomous District Council.

Da kynthah u leh ya uwa yahkhmat ka PDF uwa man leh u CEM ka KHADC u PN Syiem deiwa ong wa kular u du ki ktien ha ka dorbar wow pynneh ya ka chuki yong oo.