theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Waroh na kiwa yoh COVID-19 ha kani ka la-ær wa ar ka khlam toh da u jait Delta

Advertisement ad1

Waroh kiwa yoh COVID-19 nadooh wa sdang ka la-ær wa ar ka khlam ha u Naitung (Apr) uni u snem toh kiwa yoh da u jait ‘Delta’ da pyntip ka sorkar ynne ka sngi.

Hawa yaklam wa ki laad pathai khubor, u Symbood Montri Rangbah ka jylla uwa pait leh ya ka chnat i chait i khiah, u Prestone Tynsong da ong u wa iwa yaphær ha ka la-ær wa nyngkong toh uwi u bru wa chah ktah ye u wow pynpoor cha ki le ngut kiwi won katwa ha kani ka la-ær wa ar ye ki wow pynpoor cha ki ynru ngut.

“Uni u jait Delta toh uwa maa bha wei na ini i daw hadooh katni leh dang ku bait kiwa chah ktah neidaw wa kitu kiwa chah ktah dang pyrkhat ki wa ym em yaphær ka sien wa nyngkong wa kani ka sien wa ar,” da ong u Prestone.

Hawa ong wa uni u Delta toh uwa smat bha wow poor, u Prestone da ong u wa ka sorkar da yaleh ko katwa ye dooh ko wow khoom u kdoh ya kani ka khlam tangwa dei bor samen yong ka ym ye ko wow leh.

“Emkaam i yei ya krehlang uwi pa uwi uwa chong chnong ka jylla deiwa bood thij ya ki kyndon,” da ong u.

U Prestone da ong u leh wa kopsar ki bru ym em sñiawthooh ki wa uni u khñiang samt u wow poor deiwa khutlang ya waroh nadooh ki dorbar chnong wa ki Covid Management Committee wow pynlut bor ki ha ki jar jiar ki thaw yong ki yow pynsangeh yei poor uni u khñiang.

Da ong u leh wa kiwa chah ktah na kiwa chah Test kawa tip kawa tip leh kam ka Positivity Rate em ko 10% hapoh ka jylla wei ini toh iwa pynkhuslai bha ya ka sorkar heiwa hadooh ka Assam em ko ya ka Positivity Rate kawa em hapoh 1%.

U Symbood Montri Rangbah da ong u leh wa da em du iwi donhi i laad yow ye u lait noh na ini, itæ toh deiwa chim yei tika deiwa pynrap wa du 45% na kiwa toh hok wow yoh tika kiwa da wan ki wow chim tika.

Share this:
Previous

Pynku ka sorkar yei yarap su na ka MHIS ya kitu kiwa chitom na u COVID-19

Next

Da chah ya kiwa lai yaleh Exam chipai wow pynemkaam da ki kari kamai