Da: U Chandame Sungoh, Chutwakhu, Jowai
Hai hai, waka Lockdown wa u slap!
Kam nga uwa dooh sakhiat te da yap;
I kiwa mylla, na kti ha ktien,
Hei thngan u yap, ym toh ha u COVID-19.
Ki ru kiwa mahajon te yi u pyrwa!
Ka baam ka dih dep pynbiang chwa;
Suk kiru pathan se na-ong?
Yoh kiru su u baam te chong.
Arsien chi tayaw wai dukan marbaam,
Ha wym yoh poisa u thied, yi u emkaam?
I kiwa dooh te da kut i eh!
Ha wym yoh hi dei khih dei kreh.
Naka khlam COVID-19 na-ai,
Dang boon kiwa lait wa maya u Blai!
Tangwa hei yap thngan te yong i
U wym yoh baam te wym lait tang uwi.
E laad noh u kreh, u wai yaw wai haat!
Da booh O kani ka kyrpaad,
Ham pait du yei tieñ kjut phi ki heh kpoh,
Ya yap thngan lut kiwa sti wa rkhoh.
